|
| |||||||
| منتدى الفكر الإسلامي مناقشة القضايا الفكرية والعقائدية في الاسلام من وجهة نظر أهل السنة والجماعة ، الدفاع عن عقيدة السنة وعقيدة التوحيد والرد على المخالفين |
 |
| | LinkBack | أدوات الموضوع | إبحث في الموضوع |
11-Oct-2008, 11:02 AM
| #1 |
| كبار الشخصيات تاريخ التسجيل: Sep 2007 العمر: 53
المشاركات: 217
معدل تقييم المستوى: 0  |  لماذا ضحكت ساره..؟ ] [  اللهم اجعل عملنا كله صالحا, واجعله لوجهك خالصا, ولا تجعل فيه لأحد غيرك شيئا احبتى فى الله حديثنا .. عن ايه من القران لكن قبل أن نتكلم حول هذه الايه اخاطب كل منا وانا اولكم واقول : الى كل من تفرقت به السبل وضاقت عليه الدنيا وانقبض صدره....وفقد ابناءه وابيضت عيناه من الحزن . لم تبقى مكانك وأمامك المتسع فاليك طريق يعقوب..فصبر جميل..... هل لديك ثقة وتوكل على الله تعالى ؟ وهل انت مخلص قوى لربنا عشان يفرحك فى الدنيا قبل الاخره. يا جماعة توكلوا على الله، فكلما أحسنت التوكل على الله وكنت صادقا في توكلك أكرمك الله وأعزك. فلا بد أن تكون عندنا ثقة كافية في أن الله لن يضيّعنا أبدا هناك صنفان من الناس أيها الاخوة..: صنف ضعيف الإيمان.. يجزع عندما يجد أسباب الدنيا قد تأخرت ونقصد بالأسباب الحظوظ الدنيوية المادية، فكلما تأخرت الأسباب يقل يقينه بالله وصنف صادق. كلما أدبرت الدنيا كلما ازداد يقينه بالله.. لماذا؟ لأنه ما دامت هناك أسباب تعتمد عليها فإنك تركن الى الدنيا ولو قليلا ولكن عندما تنقطع بك الأسباب فلا يبقى لك سوى الله.. دخل عثمان بن عفان على سيدنا عبدالله بن مسعود وهو يموت وكان له ثلاث بنات فقال لابن مسعود: نأمر لبناتك بعطاء؟ ( يعني نصرف لهم بفلوس) فقال: لا حاجة لبناتي في المال، فقال عثمان: كيف؟ فقال: يا أمير المؤمنين علمني رسول الله صلى الله عليه وسلم أن من قرأ سورة الوقعة كل يوم لم يصبه فقر أبدا وقد علمت بناتي أن يقرأن سورة الواقعة كل ليلة. هل يمكن أن يكون لدينا هذه الثقة وهذه الطمأنينة على أولادنا؟! الناس تعيش اليوم في اكتئاب وإرهاق نفسي ولا يعلمون أن التوكل على الله يحل هذه المشاكل. ومن هنا ابدا موضوعى معكم هو الموضوع فى الحقيقه كان نفسى اكتب فيه من زمان ولكن لم يسعفنى الوقت يقول الله تعالى: وَامْرَأَتُهُ قَائِمَةٌ فَضَحِكَتْ فَبَشَّرْنَاهَا بِإِسْحَاقَ وَمِنْ وَرَاءِ إِسْحَاقَ يَعْقُوبَ (71)هود والسؤال اللى لفت نظرى فى هذه الايه لماذا ضحكت .السيده ساره .؟ ولو نظرنا الى الايه التى قبلها نجدها تتكلم عن ان الملائكه جائت لسيدنا ابراهيم وتقول له انهم جاءوا لقوم لوط لينزلوا بهم عذاب الله لانهم ظلموا وبغوا ونشروا الفاحشه فى الارض.. والسيده ساره تقف وتسمع الحوار لان نص الايه يقول: وَامْرَأَتُهُ قَائِمَةٌ .. ولكن بعد سمعاها لكلام الملائكه ضحكت .؟ طيب ليه ضحكت ..؟ اه اصل ياجماعه السيده ساره عندها كام سنه دلوقتى حوالى 90 سنه وهى عقيم . حتى انها لما بلغت الستين قالت لسيدنا ابراهيم تزوج فانا لن استطيع الانجاب ..؟ بس يا جماعه ربنا له تدابير وامور تانيه لا نفهمها .. عشان هى كانت مخلصه قوى لربنا وموصوله به لم يرد الله ان تموت ساره بدون ان يفرحها فى الدنيا قبل الاخره .. يا ساره ياللى عمرك 90 سنه ياللى كبيره فى السن انتى كنت مخلصه قوى وموصوله بربنا حايرزقك باسحاق وليس ذلك فقط لابل ايضا سوف ترين حفيدك يعقوب .. وانتوا كمان لو مخلصين قوى لربنا ا حا يعطيكوا زى ساره ويفرحكوا فى الدنيا قبل الاخره .. ولكن لو نظرنا فى الايه نجد هنا حته جميله قوى انها ضحكت فرحا لما عرفت ان ربنا حا ينتقم من الظلمه والعصاه من قوم لوط برغم من انها تعيش فى فلسطين وقوم لوط فى الاردن يعنى بعيد عنهم .. ياه هو ينفع ان المسلم يفرح فى الظالم والعاصى لما يصيبه عذاب ومكروه ..؟ اقول لك اه مش ربنا بيقول فى سوره التوبه : (... وَيَشْفِ صُدُورَ قَوْمٍ مُؤْمِنِينَ.) (14) (وَيُذْهِبْ غَيْظَ قُلُوبِهِمْ ۗ ...) (15) احيانا من رحمه ربنا سبحانه وتعالى انه يشفى صدرك يا مؤمن ممن ظلمك واعتدى عليه وانتهك حرماتك فالنصر يشفى الداء الذى ملاء صدرك ويذهب غيظك .. شوف ساره من فرحتها مش ابتسمت لا دى ضحكت .. المسلم يا جماعه اللى ما ببيفرق معاه ان ربنا يعز الاسلام وينصر المسلمين او لا فليس له قلب ..ايمانه ناقص .. المسلم اللى ما بتفرق معاه احوال المسلمين فى البلاد الاخرى وعايش لنفسه وبس وقلبه لا يوجع لما يسمع عن اللى بيحصل للمسلمين فى غزه وافغانسات والشيشان و.. و..والقدس ..ولا حتى ينزل دمعه واحده حزنا عليهم .. يبقى عنده مشكله ايمانه ناقص .. قلبه حجر البنت والشاب اللى بيصولوا ويصوموا ويقيموا الليل ويحفظوا القران وما يشيلوا هم اخوانهم المسلمين ولا اللى بيحصل لهم ..يبقى مش فاهم دينهم كويس .. طيب بلاش شوفوا عبد الله بن عمر بيقول ايه : والله لو صمت النهار كله ولم افطر وقمت الليل كله ولم انام وانفقت مالى كله فى سبيل الله واموت يوم اموت وليس فى قلبى حب لاهل طاعه الله وبغض لاهل معصيه الله ما نفعتى ذلك فى شئ ..) اعلى درجه من الايمان انك تحب الطائع وتكره العاصى والفاسق .. يعنى البنت والشاب المحبين لجلسات اصحابهم السوء ويجلسوا معهم يبقى ايمانهم ناقص . ياجماعه ساره عايشه فى فلسطين وقوم لوط فى الاردن فى بلد تانيه خالص يعنى لن يسببوا لها اى ضرر او مضايقه .. لكن هى بتحب الاسلام بنحب الدين وتكره المعصيه .. طيب شوف ابن عباس بيقول ايه ( انى اسمع بالسحابه تمطر باليمن فاسجد شكرا لله ) فلو نزل المطرفى بلاد المسلمين كانه نزل فى بلدى ولو الخير اتى للمسلمين كانه اتى عندى. يا جماعه قضيتك انى باكل واشرب واتفسح واخر حاجه اراها اولادى ..انا واولادى ومن ورائى الطوفان . انظر متى جائت البشرى لساره .؟ لما ضحكت فبشرناها باسحق ومن وراء اسحق يعقوب .. ناس كتير تقول هى الدنيا مقفله فى وشى ليه ..؟لماذا انا بالذات يارب اقول لها انظروا لساره مكثت 90 سنه لم تنجب .. اصل المشكله يا جماعه اننا نقيس رضا ربنا علينا وغضبه بالدنيا شوف ربنا سبحانه فى سوره الفجر يقول تعالى : فَأَمَّا الْإِنْسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ (15)....الحمد لله ربنا راضى عليا وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ (16).....ليه ياربى تعمل فى كده يرد ربنا ويقول لهم : كلا .. لا ده صح ولا ده صح .. لا انا بحبك لما فتحت عليك الدنيا ولا بكرهك لما ضيقت عليك الدنيا .. وتيجى كلا ترد على الاثنين .القضيه مش دنيا وانما هى قضيه اخره .. كَلَّا ۖ بَلْ لَا تُكْرِمُونَ الْيَتِيمَ (17) وَلَا تَحَاضُّونَ عَلَىٰ طَعَامِ الْمِسْكِينِ (18) وَتَأْكُلُونَ التُّرَاثَ أَكْلًا لَمًّا (19) وَتُحِبُّونَ الْمَالَ حُبًّا جَمًّا (20) وتيجى كلا التانيه تعقب على الاولى .. يا جماعه يوجد اخره ..فلو بنت اتاخر جوازها شويه او ست زوجها مطلع عينها ومضيقها عليها ..تصبر لو كنت طائعه لربنا لن يتركك ابدا الا لما يرضيكى فى الدنيا قبل الاخره ..اصبروا . واسمعوا كلام ربنا : فى سوره الزمر .انما يوفى الصابرون اجرهم بغير حساب أن بعض الناس يأتونني ويقولون عندنا مشكلة ما ونريد حلا عمليا لها، وعندما أقول لهم اصبروا فإنهم يقولون نحن نريد حلا عمليا، وكأن الصبر مجرد كلام، وهذا يؤلمني جدا. عندما نتكلم عن الصبر فإننا نتكلم عن نصف الإيمان، وعن مبدأ أساسي من مبادئ ديننا. وفى ختامى اسألكم سؤال واجب يعنى .. أيهما أعظم مقاما؟ صبر يوسف عليه السلام على فتنة امرأة العزيز أم صبر أيوب على ألم المرض؟ اامل ان اكون وفقت يارب اللهم ما ملأ بيوت المسلمين خيرا وبركه ..وعافيه وسعاده ..اللهم ما اصرف عنا وعن المسلمين الهموم والمشاكل والاذى والبؤس والفقر يا رب العالمين استنونى ومع فضفضه ايمانيه تاليه 
__________________  |
|  |
|
11-Oct-2008, 01:49 PM
| #2 |
| مشرف منتدى الفكر الإسلامي تاريخ التسجيل: Jul 2007
المشاركات: 435
معدل تقييم المستوى: 0 | نحن دائما عاجزون عن شكرك مواضيعك اكبر من ان تشكر عليها جزاك الله خيرا
__________________  |
|
| |
|
12-Oct-2008, 02:20 PM
| #3 |
| كبار الشخصيات تاريخ التسجيل: Sep 2007 العمر: 53
المشاركات: 217
معدل تقييم المستوى: 0 | بالعكس يا فادى انا الواجب على شكركم لانكم اتحتوا لى الفرصه للكتابه وصبركم على مواضيعى
__________________ |
|
| |
|
12-Oct-2008, 04:32 PM
| #4 |
| طيبة قلب تاريخ التسجيل: Sep 2008
المشاركات: 352
معدل تقييم المستوى: 0 | جزاك الله خيراً اخي موضوع جميل حقاً , , والصبر من صفات المؤمنين فرج الله كرب كل مهموم ااامين.. |
|
| |
|
12-Oct-2008, 06:59 PM
| #5 |
| كبار الشخصيات تاريخ التسجيل: Sep 2007 العمر: 53
المشاركات: 217
معدل تقييم المستوى: 0 | واياكم يا المتوكله
__________________ |
|
| |
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| |
 الإعلانات النصية | |||
